ფულადი ჯილდოები მასწავლებლების, მოსწავლეებისა და აღმზრდელებისთვის – რას ითვალისწინებს ფოთის საკრებულოს დადგენილება
![](https://edu.aris.ge/news/wp-content/uploads/2023/10/fuli-skola-458x257.jpg)
ქალაქ ფოთის მუნიციპალიტეტის საკრებულოს გადაწყვეტილებით, ცვლილებები შევიდა ფოთის მუნიციპალიტეტში მოღვაწე კულტურის, ხელოვნების, განათლების მუშაკების, დამსახურებული საზოგადო მოღვაწეების, სხვადასხვა ღონისძიებებში გამარჯვებული ახალგაზრდების, სკოლის წარჩინებულ მოსწავლეთა და პროფესიული საგანმანათლებლო დაწესებულების/კოლეჯის საუკეთესო კურსდამთავრებული პირების მატერიალური წახალისების (ჯილდო) წესის დამტკიცების შესახებ დადგენილებაში.
კერძოდ განისაზღვრა, რომ განათლების მუშაკებზე მატერიალური წახალისება (ჯილდო) გაიცემა წელიწადში ერთხელ და თანხის ოდენობა თითოეული დაჯილდოებულისთვის ასეთი იქნება:
საჯარო ან კერძო სკოლის წლის საუკეთესო მასწავლებლებზე – არაუმეტეს 1000 ლარისა;
საჯარო ან კერძო სკოლის დამსახურებულ მასწავლებლებზე – არაუმეტეს 1000 ლარისა;
სხვადასხვა ნომინაციებში გამარჯვებული საჯარო ან კერძო სკოლის მასწავლებლებზე – არაუმეტეს 625 ლარისა;
პროფესიული საგანმანათლებლო დაწესებულების/კოლეჯის წლის საუკეთესო მასწავლებლებზე – არაუმეტეს 1000 ლარისა;
ადრეული და სკოლამდელი აღზრდისა და განათლების წლის საუკეთესო აღმზრდელ-პედაგოგებზე – არაუმეტეს 625 ლარისა;
ადრეული და სკოლამდელი აღზრდისა და განათლების დამსახურებულ აღმზრდელ-პედაგოგებზე –არაუმეტეს 625 ლარისა.
ცვლილებები, რომელსაც ქალაქ ფოთის მუნიციპალიტეტის საკრებულოს თავმჯდომარის მიერ ხელი მოეწერა 24 ოქტომბერს, გამოქვეყნდა და უკვე ძალაშია.
-
„ბევრი პედაგოგი სკოლიდან წასვლაზე დაფიქრდება“ – ორად გაყოფილი პოზიცია გორის საგამოცდო ცენტრიდან და პროგნოზები სახელფასო პოლიტიკაზე by ARIS.GE-განათლება
-
„ანაზღაურებადი შრომა ცალკეა და ცალკეა კიდევ ის, რაც ვერ ანაზღაურდება, ასეთ შრომას ეწევიან პედაგოგები“ – გზავნილები განათლების სამინისტროს by სიახლეები პედაგოგთა გამოცდებზე
-
სკოლის ფორმალური სამეურვეო საბჭო და დირექტორის დიდი გავლენები – მოკვლევის შედეგები და რეკომენდაციები განათლების სამინისტროს by ARIS.GE-განათლება