GE

თბილისის ბაგა-ბაღების აღსაზრდელებისთვის საკვები პროდუქტების გაცემა 15 სექტემბერს დაიწყება – ჩამონათვალი 

თბილისის საბავშვო ბაგა-ბაღებში აღსაზრდელებისთვის საკვები პროდუქტების გაცემა 15 სექტემბრიდან დაიწყება – აღნიშნულის შესახებ EDU.ARIS.GE-ს თბილისის მერიაში განუცხადეს.

„15-30 სექტემბრის ჩათვლით არის პირველი ეტაპი, შემდეგ საკოორდინაციო საბჭოს გადაწყვეტილებით ვიმოქმედებთ. თუ 4 ოქტომბერს არ გაიხსნება ბაღები, შემდეგი ეტაპი გაგრძელდება“, – გვითხრეს დედაქალაქის მერიაში.​

აღსაზრდელების მშობლებს საკვებ პროდუქტებს სპეციალური გრაფიკით საბავშვო ბაღის შენობაში და კოვიდრეგულაციების დაცვით გადასცემენ – ასეთია თბილისის ბაგა-ბაღების სააგენტოს ინფორმაცია, სადაც აღსაზრდელებისთვის ორ კვირაში ერთხელ გასაცემ პაკეტში შემავალი პროდუქტების სიაც დაგვისახელეს.

პროდუქტების ჩამონათვალი ასეთია:

შაქარი – 1კგ,
ფქვილი – 1 კგ,
შვრია – 1 კგ,
მაკარონი – 1კგ,
ხილფაფა – 1ც,
ზეთი – 1 ლ,
კვერცხი – 6 ც,
ჩაი – 1ც,
ყველი – 0,5კგ,
რძე – 2 ლ.

ცნობისთვის, კორონავირუსის გავრცელების გამო, სააღმზრდელო პროცესი თბილისის საბავშვო ბაღებში 4 ოქტომბრამდე არ დაიწყება.

ასევე იხილეთ:

სკოლებსა და უმაღლეს სასწავლებლებში სწავლა დისტანციურად დაიწყება, საბავშვო ბაღები 4 ოქტომბრამდე არ გაიხსნება

დასვით კითხვა და მიიღეთ პასუხი - ედუს საცნობარო სამსახური