უამინდობის გამო, გურჯაანის მუნიციპალიტეტის საბავშვო ბაგა-ბაღებში სააღმზრდელო პროცესის დაწყება გადაიდო
გურჯაანის მუნიციპალიტეტის საბავშვო ბაგა-ბაღებში სააღმზრდელო პროცესი მეტეოროლოგიური პირობების გაუარესების გამო გადაიდო. ინფორმაცია დღეს, 12 იანვარს, გურჯაანის სკოლამდელი სააღმზრდელო დაწესებულებების გაერთიანებამ გაავრცელა და მშობლებს მიმართა.
„აღსაზრდელთა მშობლების საყურადღებოდ. უამინდობის და ძლიერი ყინვების გამო, გურჯაანის მუნიციპალიტეტის საბავშვო ბაგა – ბაღებში, სააღმზრდელო პროცესი 16 იანვრის ნაცვლად, განახლდება 20 იანვარს“, ვკითხულობთ გურჯაანის სკოლამდელი სააღმზრდელო დაწესებულებების გაერთიანების ადმინისტრაციის წერილში.
გადაიდება თუ არა სწავლა სხვა მუნიციპალიტეტების საბავშვო ბაღებში, სადაც უხვი ნალექი მოვიდა, ჯერჯერობით უცნობია.
- ქარის შედეგად დაზიანებული 20 საჯარო სკოლა შეკეთდება – სკოლების სია by ინფოLIFE
- 500 ლარი მენტორი მასწავლებლებისთვის და 1000-ლარიანი ჯილდო გრანტის მქონე აბიტურიენტებს ლაგოდეხის მუნიციპალიტეტში by ინფოLIFE
- სკოლაში ასაფეთქებელი მოწყობილობის არსებობის შესახებ ინფორმაცია მეილზე მიიღეს – სწავლა შეწყვეტილია by ინფოLIFE