105-ე საჯარო სკოლაში დედების სახელობის ვარსკვლავი გახსნეს

თბილისის 105-ე საჯარო სკოლის პირველკლასებში გაზაფხულის დღესასწაული – დედის დღე  ულამაზესი ღონისძიებით აღნიშნეს და დედების სახელობის ვარსკვლავიც გახსნეს,

როგორც სკოლის 5 მარტს გამოქვეყნებულ ინფორმაციაში ვკითხულობთ, პატარებმა დედის დღე დედებს სიყვარულით სავსე ლექსებით, მხიარული სიმღერებით, ცეკვებითა და თეატრალური წარმოდგენებით მიულოცეს და მათთან ერთად შეასრულეს მუსიკალური და საცეკვაო ნომრები.

ღონისძიების კულმინაციურ ნაწილში კლასის დამრიგებელმა შორენა ჟვანიამ დედებს სახელობითი ვარსკვლავი გაუხსნა. ვარსკვლავი სახელწოდებით ,,დედა სიყვარულია”.

ღონისძიების დასასრულს სიტყვით გამოვიდა სკოლის დირექტორი ქ-ნი სოფიო ხვედელიძე და დირექტორის მოადგილე ქ-ნი რუსუდან ხიჯაკაძე. მათ მიულოცეს დედებს დედის დღე და ნიჭიერ მოსწავლეებს წარმატებული გამოსვლა.?