178-ე საჯარო სკოლის მოსწავლეებმა უფასო სასკოლო კვებასთან დაკავშირებული მხიარული თამაში ჩაატარეს

ქაქუცა ჩოლოყაშვილის სახელობის თბილისის 178-ე საჯარო სკოლაში მოსწავლეებმა უფასო სასკოლო კვების კვირეულთან დაკავშირებული თამაში ჩაატრეს, რომელშიც სკოლის დირექცია, მასწავლებლები და ყოფილი მოსწავლეებიც იღებდნენ მონაწილეობას.

როგორც საჯარო სკოლის 15 მარტს გამოქვეყნებული ინფორმაციით ვიგებთ, თამაშის ფარგლებში მოსწავლეებს მასწავლებლების მიერ შექმნილი კითხვებისთვის უნდა გაეცათ სწორი პასუხი. ისინი თითოეულ სწორ კითხვაზე ქულის მაგივრად ხილს იგებდნენ. გაიმარჯვა იმ კლასმა, ვინც პირველი დაცალა კალათი.

ვიდეო

აქტივობის ფარგლებში მოსწავლეებმა საკუთარი ხელით დაამზადეს საინფორმაციო ხასიათის პლაკატებიც.

“საერთო ჯამში სახალისო, ჯანსაღი და საინფორმაციო თამაში გამოვიდა. მოსწავლეებს სიმბოლური სიგელები გადაეცათ. როდესაც ეს პრობლემა მოგვარდება, აუცილებლად ვიამაყებთ, რომ ჩვენი მცირე წვლილიც შევიტანეთ ამ საქმეში “, – ვკითხულობთ სკოლის განცხადებაში.