AIA-GESS-ის მოსწავლეები საგანმანათლებლო ვიზიტით პარიზში იმყოფებოდნენ

გიმნაზია AIA-GESS-ის მოსწავლეები ოთხდღიანი საგანმანათლებლო ვიზიტით პარიზში იმყოფებოდნენ, ვიზიტის მთავარ ნაწილს კი ექვთიმე თაყაიშვილზე მომზადებული დოკუმენტური ფილმის გადაღება წარმოადგენდა.

გიმნაზიის მიერ 18 ნოემბერს გამოქვეყნებული ინფორმაციით, მოსწავლეები მუშაობდნენ სცენარზე, იღებდნენ დოკუმენტურ მასალას და ისტორიულ მდებარეობებზე ფილმისთვის საჭირო ეპიზოდებს ასახავდნენ.

საგანმანათლებლო პროგრამა აუმჯობესებდა როგორც კვლევით, ისე შემოქმედებით უნარებს, ხოლო პარიზის კულტურულმა და ისტორიულმა გარემომ პროცესს განსაკუთრებული მნიშვნელობა შესძინა.

ფილმზე მუშაობასთან ერთად, მოსწავლეებმა მოინახულეს ქალაქის უმნიშვნელოვანესი ღირსშესანიშნაობები: ლევილის მამული, ლუვრის მუზეუმი, ვერსალის სასახლე, დისნეილენდი, ეიფელის კოშკი.

AIA-GESS-ის მოსწავლეებისთვის ეს იყო გამოცდილება, რომელმაც არა მხოლოდ ცოდნა და უნარები განავითარა, არამედ დაუვიწყარი შთაბეჭდილებებიც შექმნა – მოგზაურობა, რომელიც მომავალში მათ პროფესიულ და პიროვნულ ზრდას მნიშვნელოვნად დაეხმარება.

სკოლის სხვა ამბები