AIA-GESS-ის მოსწავლეები სასწავლო ვიზიტით ჰამბურგში იმყოფებოდნენ

8-დან 15 ნოემბრის ჩათვლით, გიმნაზია AIA-GESS-ის მოსწავლეები სასწავლო ვიზიტით ჰამბურგში იმყოფებოდნენ.

გიმნაზიის მიერ 21 ნოემბერს გამოქვეყნებული ინფორმაციით, პროგრამა კომპლექსურ ხასიათს ატარებდა და როგორც ერთკვირიან ინტენსიურ კურსს „Evolanguage School“-ის ენის ცენტრში, ასევე გერმანულ კულტურულ სივრცეში ინტეგრაციას მოიცავდა.

აღნიშნულმა ვიზიტმა მნიშვნელოვანი წვლილი შეიტანა მოსწავლეთა ენობრივი კომპეტენციის ამაღლებასა და გერმანულ ენაზე კომუნიკაციური უნარ-ჩვევების დახვეწაში. აკადემიური კომპონენტის პარალელურად, განხორციელდა კულტურულ-შემეცნებითი ტურები: ევროპის უდიდესი საზღვაო ნავსადგური (Hamburger Hafen), ჰამბურგის რატუშა (Mairie), ელბის ფილარმონია (Elbphilharmonie) და სხვა არქიტექტურული ძეგლები.

ეს გამოცდილება მოსწავლეებისთვის არ შემოიფარგლა მხოლოდ ენის ცოდნის გაღრმავებით: ვიზიტმა ხელი შეუწყო მათი მოტივაციისა და თვითრწმენის ზრდას, ასევე ინტერკულტურული ცნობიერების ამაღლებასა და გერმანული კულტურისადმი პატივისცემის ჩამოყალიბებას.

სკოლის სხვა ამბები