AIA-GESS-ის მოსწავლეებმა UCMAS-ის 2025 წლის მსოფლიო თასზე წარმატებით იასპარეზეს

გიმნაზია AIA-GESS-ის მოსწავლეებმა წარმატებით იასპარეზეს UCMAS-ის 2025 წლის მსოფლიო თასზე, რომელიც წელს საქართველოში, SEU-ში გაიმართა.

გიმნაზიის მიერ 18 დეკემბერს გამოქვეყნებული ინფორმაციით, ღონისძიებაზე, სადაც 80-ზე მეტი ქვეყნის 1 500-ზე მეტი საუკეთესო მოსწავლე იყრიდა თავს, AIA-GESS-მა გამორჩეული შედეგები აჩვენა:

• II საპრიზო ადგილი: გეგა ოსეფაშვილი;
• III საპრიზო ადგილი: ნია ოსეფაშვილი, დაჩი მატკავა, ნიკოლოზ ხუციშვილი, ნინა ჩანადირი, ნისიმე გაგნიძე.

თითოეულმა მათგანმა ღირსეულად გაიარა რთული ეტაპები (Visual & Flash სესიები) და AIA-GESS-ის მოსწავლეების მაღალი აკადემიური მზაობა და მოტივაცია კიდევ ერთხელ დაამტკიცა.

ორივე დღის განმავლობაში ღონისძიების უნაკლო ორგანიზებაზე პროფესიონალ მოხალისეთა გუნდი ზრუნავდა, რომელიც პასუხისმგებელი იყო კოორდინაციაზე, სტუმართმოყვარეობასა და უსაფრთხოებაზე. პარალელურად, UCMASGEORGIA-ს ოფიციალური Facebook გვერდის მეშვეობით მიმდინარეობდა პირდაპირი ტრანსლაცია, რამაც მშობლებსა და სკოლებს საშუალება მისცა, რეალურ დროში ედევნებინათ თვალი პროცესებისთვის.

„განსაკუთრებულ მადლობას ვუხდით UCMAS Georgia-ს და მის დირექტორს, Sahar Harb-ს ამ მასშტაბური ღონისძიების ორგანიზებისთვის და ჩვენი მოსწავლეებისთვის ასეთი მნიშვნელოვანი საერთაშორისო პლატფორმის შექმნისთვის“, – აცხადებენ გიმნაზია AIA-GESS-ში.

სკოლის სხვა ამბები