“აიას-ქიმიკოსები” საინტერესო ქიმიურ ექსპერიმენტებს ატარებენ

საინტერესო ქიმიური ექსპერიმენტები დარგის მიმართ ინტერესის გაღვივებას უწყობს ხელს.
ჩვენს სკოლაში ფუნქციონირებს „აიას-ქიმიკოსების“ კლუბი, რომლის სულის ჩამდგმელი და მენტორი Ninio Garuchava

ნინო მასწავლებელი ყოველდღიურად უზრუნველყოფს საკლუბო მუშაობის მრავალფეროვნებას.

„აიას-ქიმიკოსები“ ახალგაზრდა მკვლევართა კლუბის წევრები არიან, მონაწილეობენ სამეცნიერო პიკნიკებში, ქმნიან სასკოლო რესურსებს დაწყებითი საფეხურის მოსწავლეებისთვის და საბუნებისმეტყველო საგნების პოპულარიზაციის მიზნით ატარებენ საინტერესო ცდებს.

სულ ცოტახნის წინ კლუბის წევრებმა – ნია ნორაკიძემ და მარიამ შენგელიამ მიღებული ცოდნა პრაქტიკაში დანერგეს და შექმნეს პირბადე, რომელიც ბუნებრივი ინდიკატორის გამოყენებით, ვარგისიანობის ვადის გასვლის შემდეგ ფერს იცვლის. ამ ინოვაციამ ჩვენი სკოლის მოსწავლეებს Diamond Challenge – ის კონკურსში გამარჯვება მოუტანა.

პანდემიურ გამოწვევებსაც არ უშინდებიან. ნინო მასწავლებელი დისტანციური სწავლების ხარისხის გაუმჯობესების მიზნით გრაფიკულ ტაბლეტს იყენებს კლუბის წევრები კი არ ჩერდებიან და საინტერესო ფილმებს ქმნიან: „რატომ არის ზღვა მლაშე?“ „რა აძლევს ყვავილებს სურნელს?“

ფილმებისა და ექსპერიმენტების ნახვა კლუბის ფეისბუქ გვერდზე შეგიძლიათ

სკოლის სხვა ამბები