„ეს ინსტრუმენტი ჩემზე მაღალია“ – მესამეკლასელი ანამარიას პირველი შესრულება არფაზე (+ვიდეო)

ნიჭიერი მოსწავლის შესაძლებლობები მის ასაკსა და ფიზიკურ მონაცემებს სცდება.

გინახავთ მოსწავლე, რომელიც იმ მუსიკალურ ინსტრუმენტზე სამჯერ პატარაა, რომელზეც უკრავს? ასეთი ნიჭიერი მოსწავლის, ანამარია ადამიას შესახებ, EDU.ARIS.GE-ს მისი ბებო, ეკატერინე დგებუაძე ესაუბრება. მზრუნველი ბებო ვიდეოს გვიზიარებს, რომელშიც ჩანს როგორ უკრავს მისი პატარა შვილიშვილი.

გაიცანით 9 წლის პატარა მუსიკოსი, რომელიც არც მეტი არც ნაკლები არფაზე დაკვრას სწავლობს:

@schoollover01

9 წლის ანამარია ადამიას შესრულება არფაზე ? ?#სკოლა #georgia?? #მოსწავლე?

♬ original sound – schoollover01

როგორც ბებო მოგვითრობს, ანამარია ვალდორფის სკოლაში დადის იქ სკოლის ორკესტრში უკრავს და ზაქარია ფალიაშვილის სახელობის ცენტრალურ სამუსიკო სკოლაში, ნიჭიერთა ათწლედში სწავლობს.

მესამეკლასელი, დამწყები მუსიკოსი, ანამარია ადამია: ეს ინსტრუმენტი ჩემზე მაღალია. ვოცნებებ, დავუკრა მუსიკა მულტფილმიდან „მზეთუნახავი და ურჩხული“. ამ სიმღერის შესრულების დროს ვფიქრობდი არფაზე, მელოდიაზე, ნოტებზე. ამ სიმღერას უკრაინელი დედები უმღერიან ბავშვებს და მეც ძალიან მომწონს.