ასი ათასი მოწამის სახელობის სკოლა ფესვების მე-4ბ კლასმა სასწავლო წლის ბოლოს ღონისძიება გამართა

ასი ათასი მოწამის სახელობის სკოლა ფესვების მე-4ბ კლასმა და მისმა დამრიგებელმა, დოდო დანელიამ, სასწავლო წლის ბოლოს ღონისძიება გამართეს.

დოდო დანელიას მიერ მოწყობილი ღონისძიებები ყოველთვის გამოირჩევა მაღალი ხარისხთ და დახვეწილობით. მათი თემა მუდამ ეხება ჩვენს ერს, მის წარსულს, წინაპრებს, ენასა და ფესვებს. პედაგოგი მაღალი ზნეობითა და მარადიული ღირებულებებით ზრდის პატარებს.

ღონისძიების თემა გახლდათ ილია ჭავჭავაძის ცხოვრება და მისი მოწამეობრივი აღსასრული. საღამოსაც ასე ერქვა „წიწამურიდან საგურამომდე“.

სავსე სასკოლო დარბაზის წინაშე წარსდგნენ მოსწავლეები. ისინი ამბობდნენ ლექსებს, საუბრობდნენ ერის მამის ღვაწლზე, ყველა სტრიქონი, ყველა დეტალი გემოვნებით იყო შერჩეული. გადამდები იყო ბავშვების ის ემოცია, განცდა, რომლებსაც დებდნენ თითოეულ გამოსვლაში.

ღონისძიებას ესწრებოდნენ სკოლის დირექცია, პედაგოგები, მშობლები და ასი ათასი მოწამის სახელობის ტაძრის წინამძღვარი მამა ლუკა, რომელმაც დიდი მადლობა გადაუხადა დამრიგებელს და მის აღსაზრდელებს.