სკოლა “ფესევების” მოსწავლეებმა მეფე დავით აღმაშენებელს ისტორიულ-შემეცნებითი ხასიათის პრეზენტაცია მიუძღვნეს

ქართულ-ავსტრიული სკოლა ფესევების მესამე კლასის მოსწავლეებმა თამარ შარიქაძის ხელმძღვანელობით, ისტორიულ-შემეცნებითი ხასიათის პრეზენტაცია მიუძღვნეს გაერთიანებული საქართველოს საამაყო მეფე დავით აღმაშენებელს.

“პატარა მკვლევარებმა დიდი ინტერესით, სიყვარულით და მონდომებით ისაუბრეს ჩვენი ქვეყნის, უმნიშვნელოვანეს ისტორიულ წარსულზე”, – აღნიშნულია სკოლის მიერ გავრცელებულ განცხადებაში.

28 თებერვალს კი ქართულ-ავსტრიული სკოლა “ფესვების” VIIბ კლასის მოსწავლეებმა წარმოადგინეს პრეზენტაცია სახელწოდებით “ექვთიმე ღვთისკაცი”. სამმა ჯგუფმა სამი სხვადასხვა მიმართულებით იმუშავა:

1. ეპოქა, რომელშიც ცხოვრობდა და მოღვაწეობდა ექვთიმე თაყაიშვილი;
2. ბიოგრაფია;
3. ქართული განძის ბედი.

სკოლის ინფორმაციით, ბავშვები დიდი პასუხისმგებლობითა და მონდომებით მოეკიდნენ დაკისრებულ მისიას და კარგადაც გაართვეს თავი. 1-ლ მარტს მათ იმავე სახელწოდების ფილმი ნახეს არა აღფრთოვანებული მაყურებლების, არამედ პატარა მკვლევრების თვალებით.

სკოლა მადლობას უხდის მათ დამრიგებელს ნინო ნაზღაიძეს.