დემირელის კერძო კოლეჯს ბრიტანელი მწერალი ქეითი დევისი ესტუმრა

11 ნოემბერს, დემირელის სახელობის კერძო კოლეჯის ლიტერატურულმა კლუბმა „ვამპირული ომების“ ავტორს, ქეითი დევისს, უმასპინძლა. მწერალსა და მოსწავლეებს შორის უშუალო და საინტერესო დიალოგი შედგა.

მწერალმა ბავშვებს თავისი მომდევნო წიგნის მოკლე სიუჟეტიც გააცნო და ვრცელი მხატვრული ტექსტების წერის სტრატეგიებზეც ესაუბრა. შეხვედრის დასასრულს მწერალმა დაარიგა სამახსოვრო ბარათები წიგნის ილუსტრაციით და გადაიღო სამახსოვრო ფოტოები.