დემირელის კერძო კოლეჯს პარლამენტის ეროვნული ბიბლიოთეკის დირექტორი გიორგი კეკელიძე ესტუმრა

17 ნოემბერს დემირელის კერძო კოლეჯს ესტუმრა პარლამენტის ეროვნული ბიბლიოთეკის დირექტორი და მწერალი გიორგი კეკელიძე. მწერალმა ისაუბრა ლიტერატურისა და მწერლობის დანიშნულებაზე, კითხვის მნიშვნელობაზე, უპასუხა მოსწავლეთა შეკითხვებს, ბოლოს კი მოსწავლებთან ერთად გადაიღო სამახსოვრო ფოტოები.

შეხვედრა მიზნად ისახავდა მოზარდებში ლიტერატურის პოპულარიზაციასა და წიგნიერებისადმი ინტერესის გაზრდას. სამომავლოდ გადაწყდა, რომ დემირელის კოლეჯი ეროვნულ ბიბლიოთეკასთან ერთად ჩაერთვება საგანმანათლებლო პროექტში „წიგნი ყველა სოფელს“.