დემირელის კოლეჯის მოსწავლეები და მასწავლებლები გარემოსდაცვითი ინფორმაციისა და განათლების ცენტრს ესტუმრნენ

13 დეკემბერს, დემირელის სახელობის კერძო კოლეჯის სამოქალაქო განათლების კლუბ ,,პროგრესული თაობის“ ინიციატივით, კლუბის წევრები, უცხოელი მოსწავლეები და მათი მასწავლებლები, სოფო ნიკურაძე და მაგდა ფურცელაძე, ესტუმრნენ გარემოსდაცვითი ინფორმაციისა და განათლების ცენტრს.

სკოლის წარმომადგენლები დაესწრნენ გარემოისდაცვითი განათლების მთავარი სპეციალისტის ნათია ჯავახიშვილის სემინარს, ბიომრავალფეროვნების შესახებ. სემინარი ითვალისწინებდა მოსწავლეების დაინტერესებას ისეთი საკითხებით, როგორიცაა: მცენარეების და ცხოველების მრავალფეროვნების მნიშვნელობა, მათი გენები და ეკოსისტემები.