„დილა სკოლებში სპორტული აქტივობით უნდა იწყებოდეს“ – დირექტორის მოადგილე სკოლის გამოცდილებას აზიარებს

სპორტული დილა და დილის მსუბუქი ვარჯიშები – ასე იწყება ფოთის მეხუთე საჯარო სკოლის მოსწავლეების სასწავლო დღე, რომელიც ჯანსაღი ცხოვრების წესის პოპულარიზაციასა და მოსწავლებში ფიზიკური ჯანმრთელობის დაცვის მიზანს ემსახურება. ამის შესახებ სკოლის დირექტორის მოადგილე, ნინო კილასონია, EDU.ARIS.GE-ს მოუთხრობს და იმ ფოტოებს გვიზიარებს, რომელშიც ნათლად ჩანს, თუ როგორია მოსწავლეებისთვის დილის სპორტული რუტინა.

იხილეთ ფოტო:

“როცა კარგი ამინდია. დილის 08:30 საათიდან ჩვენი მოსწავლეები სკოლის ეზოში იყრიან თავს და სპორტის პედაგოგის დახმარებით მსუბუქ ვარჯიშებს აკეთებენ. ზარის დარეკვამდე- საგაკვეთილო პროცესის დაწყებამდე ვვარჯიშობთ. ამის შემდეგ ისინი კიდევ უფრო ენერგიულად იწყებენ გაკვეთილს. დილა სკოლებში სპორტული აქტივობით უნდა იწყებოდეს. ზოგადად, ჩვენს სკოლაში დიდი ყურადღება ეთმობა სპორტულ აქტივობებში პედაგოგებისა და მშობლების ჩართვასაც. ამ მიზნით ეწყობა ჩემპიონატები სპორტის სხვადასხვა სახეობებში”, – აგვიხსნა დირექტორის მოადგილემ.