ერთი კლასის ტრადიცია – როგორ აგროვებენ მოსწავლეები კლასში დაკარგულ ნივთებს
თუ თქვენს კლასში ნივთები ხშირად იკარგება და არ იცით, მფლობელის გამოჩენამდე, მათ რა ადგილი მიუჩინოთ – თანამედროვე განათლების აკადემიის დაწყებითი კლასების მასწავლებელი ნათია კოხოძე ორიგინალურ გამოსავალს გთავაზობთ.
ნათიამ, მოსწავლეებთან ერთად, სპეციალური ყუთი, სახელწოდებით „ჩემი არ არის“ დაამზადა და კლასში დაკარგული ნივთების შეგროვების ტრადიციას საფუძველი ასე დაუდო.
როგორც პედაგოგმა EDU.ARIS.GE-ს უთხრა, ბავშვები ყუთში ნივთებს ორი წელია აგროვებენ, საჭიროების შემთხვევაში, მათ იყენებენ და შემდეგ ისევ ყუთში ათავსებენ.
„რატომ ასეთი სახელი? ნივთები ხშირად ძირს იყრებოდა და ბავშვები შემდეგ ჩემს მაგიდაზე აწყობდნენ. რომ ვიკითხავდი თითოეულ ნივთზე, ვისი იყო, ყველა გაიძახოდა – „ჩემი არ არის, ჩემი არ არის“. ასე გაჩნდა ჩვენი ყუთის იდეაც და მისი სახელწოდებაც. ყველა დაკარგული ნივთი ამ ყუთში მიგვაქვს. როცა ვინმეს რამე სჭირდება – იყენებს და მერე უკან აბრუნებს“, – გვითხრა მასწავლებელმა.
…და თქვენ სად მიგაქვთ კლასში დაკარგული ნივთები?
-
როცა კითხვისას ფიქრები სწრაფად გარბიან, ასოები კი ვერ ეწევიან მას – რა უნდა იცოდეს მშობელმა და პედაგოგმა დისლექსიაზე by სკოლების ამბები
-
სკოლა „პოლიგლოტს“ ფრანგული ინსტიტუტის წარმომადგენლები ესტუმრნენ by სკოლა პოლიგლოტი
-
სად უშვებენ მშობლები ყველაზე საყურადღებო შეცდომებს – „მცდელობა, შევძლოთ ის რაც არ შეგვიძლია“ by სკოლების ამბები
