გიმნაზია „აია-ჯესს“-ის კურსდამთავრებული სწავლას Drew University-ში გააგრძელებს

გიმნაზია „აია-ჯესს“-ის კურსდამთავრებული, ბარბარე ბიჭიკაშვილი, სწავლას Drew University-ში გააგრძელებს.

ბარბარემ წარმატებით დაამთავრა Bergen Community College პოლიტიკურ მეცნიერებათა ხარისხით და მოიპოვა $34,000-იანი დაფინანსება Drew University-ში სწავლის გასაგრძელებლად, სადაც პოლიტიკურ მეცნიერებებს პრე-იურიდიული მიმართულებით შეისწავლის.

“სკოლა ჩემთვის არის რეალობად ქცეული ოცნებების დაბადების ადგილი. ის, რაც ერთხელ აია-ჯესის კედლებში ჩავიფიქრე, დღეს უკვე ჩემი ყოველდღიურობის ნაწილია”, – ამბობს ბარბარე.

Drew University პრესტიჟული უნივერსიტეტია, რომელიც სტაბილურად ინარჩუნებს მოწინავე ადგილს, როგორც ერთ-ერთი საუკეთესო National Liberal Arts College.

“მიხარია, რომ გავხდი იმ სივრცის ნაწილი, სადაც არაერთი ცნობილი მეცნიერი, პოლიტიკოსი, ფილოსოფოსი და ნობელის პრემიის მფლობელი სწავლობდა”, – გვიზიარებს ბარბარე.

ბარბარეს წარმატებაში უდიდესი წვლილი ჩვენს მასწავლებლებსაც მიუძღვით. “მათი დახმარებით გამოვიმუშავე ის უნარ-ჩვევები, რომლებიც გარდამტეხია განვითარებისა და წარმატების მისაღწევად მთელი ცხოვრების მანძილზე”.

აღსანიშნავია, რომ ბარბარე, Bergen Community College-ში სწავლისას, Phi Theta Kappa Honor Society-ის წევრიც გახდა, როგორც უმაღლესი აკადემიური მიღწევების მქონე სტუდენტი.

სკოლის სხვა ამბები