გიმნაზია „აია-ჯესს“-ის კურსდამთავრებულმა ერაზმუს მუნდუსის სტიპენდია მოიპოვა
გიმნაზია „აია-ჯესს“-ის კურსდამთავრებულმა, თეონა ხელაძემ, ერაზმუს მუნდუსის სტიპენდია მოიპოვა და სექტემბრიდან სწავლას გააგრძელებს პერსონალიზებული მედიცინის სამაგისტრო პროგრამაზე, სამედიცინო ბიოტექნოლოგიის მიმართულებით.
პროგრამა სტუდენტებს საშუალებას აძლევს ისწავლონ 3 სხვადასხვა მიმართულებიდან ერთ-ერთზე: სამედიცინო ბიოტექნოლოგიაზე, კლინიკური კვლევების მიმართულებით ან ბიოინჟინერიაზე.
სამივე მიმართულება კრიტიკულად მნიშვნელოვანია პაციენტებთან ინდივიდუალური მიდგომების დანერგვისა და ზოგადად, პერსონალიზებული მედიცინის განვითარებისთვის.
“მიუხედავად იმისა, რომ სკოლა 4 წლის წინ დავამთავრე, მაინც სულ აღვნიშნავ, რომ ჩემს ამ და სხვა წარმატებაში მნიშვნელოვანია სკოლის დამსახურება. აია-ჯესსმა მომცა არა მხოლოდ ფაქტობრივი ცოდნა და უნარები, არამედ სწორი მიმართულება პიროვნული და კარიერული განვითარებისთვის. ყოველთვის მეამაყებოდა და დღემდე ვამაყობ, რომ აია-ჯესსელი ვარ “, – აღნიშნავს თეონა ხელაძე.
