გიმნაზია „აია-ჯესსის“ დირექტორი ამსტერდამში უახლესი ტექნოლოგიების საერთაშორისო გამოფენა-კონფერენციას დაესწრო

გიმნაზია „აია-ჯესსის“ დამფუძნებელი და დირექტორი რუსუდან ბოლქვაძე ამსტერდამში გამართულ უახლესი ტექნოლოგიების საერთაშორისო გამოფენა-კონფერენციას დაესწრო, სადაც პირადად შეხვდა ევროპის წამყვანი სკოლებისა და უნივერსიტეტების წარმომადგენლებს, გამოცდილების გაზიარებისა და შემდგომი თანამშრომლობის მიზნით.

კონფერენციის ძირითადი თემები 21-ე საუკუნის პედაგოგიკა, პროფესიული განვითარება, ხელოვნური ინტელექტის მნიშვნელობა და საგაკვეთილო პროცესში უახლესი ტექნოლოგიების დანერგვა გახლდათ. ღონისძიებაზე წარმოდგენილი იყვნენ ისეთი გლობალური ბრენდები, რომელთა სასკოლო ცხოვრებაში ინტეგრირება ამარტივებს და უფრო სახალისოს ხდის სასწავლო პროცესს.

გიმნაზიის დირექტორი გაეცნო  შესაძლებლობებს, რომლებსაც Microsoft, LEGO Education, Grammarly, Oracle Academy და მრავალი სხვა საერთაშორისო კომპანია სთავაზობს საგანმანათლებლო სექტორს.

სკოლის სხვა ამბები