გიმნაზია AIA-GESS-ის მოსწავლეები ამერიკის შეერთებულ შტატებში იმყოფებოდნენ

გიმნაზია AIA-GESS-ის მოსწავლეები Francis W. Parker Charter Essential School-ს (მასაჩუსეტსი, აშშ) სტუმრობდნენ, სადაც მათ ამერიკულმა ოჯახებმა უმასპინძლეს და მისცეს შესაძლებლობა, საგანმანათლებლო და კულტურული გარემო ახლოდან გაეცნოთ.

გიმნაზიის მიერ 3 აპრილს გამოქვეყნებული ინფორმაციით, მოსწავლეები დილიდანვე მასპინძელ ბავშვებთან ერთად ესწრებოდნენ გაკვეთილებს, აქტიურად იყვნენ ჩართული სასკოლო ცხოვრებაში და სხვადასხვა აქტივობაშიც მონაწილეობდნენ.

სკოლის ორგანიზებით, აია-ჯესსელები ეწვივნენ კონკორდს – ამერიკის რევოლუციის ერთ-ერთ ისტორიულად მნიშვნელოვან ადგილს და მუზეუმებს, სადაც ისტორიის მასწავლებელი შესანიშნავი გიდი აღმოჩნდა.

მოსწავლეებმა ასევე მოინახულეს ჰარვარდის უნივერსიტეტი, მასაჩუსეტსის ტექნოლოგიური ინსტიტუტი (MIT) – სივრცეები, სადაც იდეები რეალობად იქცევა.

„განსაკუთრებული მადლობა მასპინძელი სკოლის აღმასრულებელ დირექტორს, ბრაიან ჰარიგანს, რომლის მხარდაჭერითაც შედგა ემოციებით დატვირთული ეს საგანმანათლებლო პროექტი.

მეგობარ სკოლაში მოსწავლეებთან ერთად იმყოფებოდნენ ნონა ბოლქვაძე, ლელა ბოჭოიძე, თამარ ლოლიშვილი და მიეცათ გამოცდილებისა და პროფესიული პრაქტიკის ურთიერთგაზიარების შესაძლებლობა“, – აცხადებენ გიმნაზია AIA-GESS-ში.

სკოლის სხვა ამბები