გიმნაზია აია-GESS-ის მოსწავლეებმა ვერცხლისწყლის თემაზე ესეების კონკურსში გაიმარჯვეს

გიმნაზია აია-GESS-ის მოსწავლეებმა: ანა ბეჭვაიამ, თორნიკე გურჩიანმა და გიორგი გოგატიშვილმა გაიმარჯვეს გარემოსდაცვითი ინფორმაციისა და განათლების ცენტრის ორგანიზებით, გლობალური გარემოსდაცვითი ფონდის (GEF) მხარდაჭერითა და გაეროს განვითარების პროგრამის (UNDP) თანამშრომლობით მოსწავლეებისთვის ვერცხლისწყლის თემაზე ესეების კონკურსში. კონკურსის გამარჯვებულებს შესაბამისი სერტიფიკატი და სამახსოვრო პრიზები გადაეცა.

გარემოსდაცვითი კამპანია ვერცხლისწყლის თემატიკით 2016 წელს დაიწყო და დღემდე მიმდინარეობს. პროექტის მიზანია სტუდენტებისა და სკოლის მოსწავლეებისთვის გარემოსდაცვითი ცნობიერების ამაღლება და მათი გარემოსდაცვით აქტივობებში ჩართვა დასკვნით ღონისძიებას დაესწრნენ გარემოსდაცვითი ინფორმაციისა და განათლების ცენტრის დირექტორი, ია პაპიაშვილი, პროექტის „მინამატას კონვენციის რატიფიცირებისა და მისი აღსრულების მიზნით საქართველოში გადაწყვეტილების მიღების პროცესის გაძლიერება და ინსტიტუციურ შესაძლებლობათა განმტკიცება“ ეროვნული დირექტორი, ირმა გურგულიანი და გაეროს განვითარების პროგრამის (UNDP) წარმომადგენელი, ივანე წიკლაური.

გარემოსდაცვითი კამპანია ვერცხლისწყლის თემატიკით პროექტის – ,,მინამატას კონვენციის რატიფიცირებისა და მისი აღსრულების მიზნით საქართველოში გადაწყვეტილების მიღების პროცესის გაძლიერება და ინსტიტუციურ შესაძლებლობათა განმტკიცება“ – ფარგლებში მიმდინარეობს.

სკოლის სხვა ამბები