რა შექმნა AIA-GESS-ის მოსწავლემ – სამაჯური, რომელიც საჭიროების შემთხვევაში, სანდო პირს ან 112-ს უკავშირდება

გიმნაზია AIA-GESS-ის მოსწავლემ, ანასტასია გაბოშვილმა, გუნდთან ერთად, GITA ტექნოპარკის ბიოტექნიკური კვირეულის ფარგლებში, ინოვაციური სტარტაპი GelLink – სამაჯური შექმნა.

სამაჯური სენსორების მეშვეობით აფიქსირებს როგორც ფიზიკურ, ისე ფსიქოლოგიურ სიმპტომებს და საჭიროების შემთხვევაში, სანდო პირს ან 112-ს უკავშირდება.

AIA-GESS-ის მიერ 4 სექტემბერს გამოქვეყნებული ინფორმაციით, ერთკვირიანი ინტენსიური შრომის შემდეგ, გუნდმა წარმოადგინა აპლიკაცია, ვებსაიტი, იდეის გაცოცხლებული კონცეფცია და 500-ლარიანი პრიზი მოიპოვა.

ანასტასია გაბოშვილის განცხადებით, ეს მის ცხოვრებაში ერთ-ერთი ყველაზე შთამაგონებელი კვირა იყო:

„ამ გამოცდილებამ მასწავლა, რომ შრომა ყოველთვის ფასდება – განსაკუთრებით მაშინ, როდესაც სწორ ადამიანებთან ერთად დებ შედეგს“.

სკოლის სხვა ამბები