კომაროვის სკოლაში კლუბების გამოფენა გაიმართა

26 ნოემბერს, კომაროვის სკოლაში კლუბების გამოფენა გაიმართა, რომელზეც ღონისძიების მონაწილეებმა დამთვალიერებლებს კლუბების საქმიანობის შესახებ ინფორმაცია მიაწოდეს.

სკოლის მიერ 3 დეკემბერს გამოქვეყნებული ინფორმაციით, მოსწავლეებს შესაძლებლობა ჰქონდათ, ინტერესების მიხედვით აერჩიათ სასურველი თემატიკის კლუბი და გაწევრიანებულიყვნენ.

კომაროვის სკოლაში 32 აქტიური კლუბი ფუნქციონირებს. წლების განმავლობაში წარმატებით მუშაობს: დებატების, სპორტის, დრამის, ჭადრაკის, ლიტერატურის, წიგნების თაროს, ეკონომიკისა და სხვა კლუბები.

„კლუბები კომაროვის ერთ-ერთი მნიშვნელოვანი რესურსია. სკოლა ხელს უწყობს მოსწავლეების წიგნიერების, ციფრული, შემოქმედებითი და სოციალური უნარების განვითარებას. ასევე, ისეთი გარემოს შექმნას, სადაც თითოეულ მოსწავლეს ეძლევა არჩევანისა და თვითრეალიზაციის შესაძლებლობა“, – აცხადებენ კომაროვის სკოლაში.

სკოლის სხვა ამბები