კომაროვის სკოლაში „Micromouse 2025“-ის ფინალი გაიმართა

27 ოქტომბერს, კომაროვის სკოლაში, მოსწავლეების ინიციატივით, რობოტიკის კონკურსის – „Micromouse 2025“ ფინალი გაიმართა.

სკოლის მიერ 10 ნოემბერს გამოქვეყნებული ინფორმაციით, კონკურსში მე-9-მე-12 კლასების მოსწავლეებისგან შემდგარი 4 გუნდი მონაწილეობდა. კონკურსანტებს დაევალათ, შეექმნათ რობოტი, რომელიც უმოკლეს დროში გაივლიდა ლაბირინთს და ფინიშის ხაზს მიაღწევდა.

მოსწავლეებმა მუშაობის პროცესში გამოავლინეს – შემოქმედებითი ხედვა, ტექნიკური ცოდნა და გუნდური მუშაობის უნარი, რამაც კონკურსის წარმატება განსაზღვრა.

ფინალში გამოვლენილ გამარჯვებულებს Edison Store-ის 100-ლარიანი ვაუჩერები გადაეცათ.

კონკურსი კომაროვის სკოლის ადმინისტრაციის ფინანსური მხარდაჭერით გაიმართა. ორგანიზატორები კი იყვნენ: მარეხ მაზანაშვილი – STEM სწავლების მიმართულების ექსპერტი; გურამ გურგენიძე -კომაროვის სკოლის მოსწავლე; გიორგი თეთრუაშვილი – კომაროვის სკოლის მოსწავლე; საბა ილურიძე – კომაროვის სკოლის მოსწავლე.

კომაროვის სკოლა ულოცავს თითიოეულ მონაწილეს კონკურსში მონაწილეობას და გამარჯვებას!

სკოლის სხვა ამბები