ლაგოდეხელი მე-12 კლასელების დაუვიწყარი ბოლო ზარი – როგორ გაახარეს მოსწავლეები მეზობლებმა (ვიდეო)

რეგიონის სკოლებშიც ბოლო ზარი არა მხოლოდ სკოლის დასრულების დღე იყო, არამედ ერთი დიდი თავგადასავალი, რომელსაც მთელი სოფელი თუ უბანი თანაბრად ქმნიდა.

სახალისო, უჩვეულო და სახალხო – ასეთი აღმოჩნდა ლაგოდეხის მუნიციპალიტეტში, ჭიაურის საჯარო სკოლის მოსწავლეების ბოლო ზარი.

ვიდეო EDU.ARIS.GE -ს მე-12 კლასელების ვიდეოგრაფმა, გიორგი შუკაკიძემ გაუზიარა.

როგორც გიორგიმ გვიამბო, რეგიონის სკოლების მე-12 კლასელები უბრალო სურათებით ან საზეიმოდ გაშლილი სადღესასწაულო მაგიდებით არ შემოფარგლულან. კურსდამთავრებულებს ემოციებით სავსე დღე თანასოფლელებმა გაუხალისეს.

„ერთ-ერთი მაგალითია ეს სკოლა. მეზობლის ძველ სატვირთოზე მოკალათებული მე-12 კლასელები ჰაერში აფრიალებდნენ ხელებს, მღეროდნენ და სიცილითა და ცეკვით შეჰყურებდნენ გულშემატკივრებს“, – მოგვითხრო გიორგიმ.