ლექსები, რომლებიც პირველკლასელებს მათემატიკის სწავლას გაუმარტივებს

იცით ლექსები, რომლებიც მათემატიკის სწავლებას სახალისოს ხდის, ტექსტის გააზრებასა და დამახსოვრებას კი აიოლებს?!

ეს არ უნდა გამოტოვოთ!

EDU.ARIS.GE გიზიარებთ თბილისის 117-ე საჯარო სკოლის მათემატიკის მენტორი მასწავლებლის, მაია მეტონიძის ლექსებს.

1. „აბა, ჩემო დათუჩა,
გამოწიე თ-ათი…
ხუთისა და ხუთის ჯამი
რამდენია? (ათი)“

2. „კალათში რომ ჩურჩხელა დევს
ხუთი ცალი ლამაზი,
და მას ჩუმად მიეპაროს
ცელქი ბიჭი თამაზი,_
მიიპაროს ფორთხვით,
ამოიღოს ოთხი,
მერე გაჩნდეს ქ-ეთი,
მას შეხვდება… (ერთი)“

3. „აკვარიუმს მიეპარა თომას წუწკი ფისო,
ჩაუყლაპავს სამი თევზი
ოთხიც ფსკერზე ზისო…
სულ რამდენი თევზი ჰყავდა
ჩვენ პატარა გმირსო?“ (შვიდი)

4. „ციყვი შეძვრა ფუღუროში,
აკნატუნა თხილი.
ხუთი ცალი რომ შეჭამა,
მას ასტკივდა კბილი,
დაფიქრდით და მიპასუხეთ:
სულ რამდენი დარჩა?
თუ მთელი დღის სანოვაგე
შეადგენდა ცხრა ცალს“. (ოთხი)

ძვირფასო, მშობლებო და პედაგოგებო, გაგვიზიარეთ გამოცდილება, თქვენ რომელი ლექსებით უმარტივებთ მოსწავლეებს მიმატება-გამოკლების სწავლას?

ასევე იხილეთ:

„მოსწავლისთვის ერთდროულად რამდენიმე საკითხის ახსნა არ არის შედეგიანი!“ – პრაქტიკული მიგნებები განათლების ახალგაზრდა სპეციალისტისგან