მარტის თვის თარიღები – აქტივობები, იდები და ღონისძიებები სასკოლო საზოგადოებისთვის

თუ მოსწავლეებისთვის საინტერესო აქტივობების შეთავაზების ძიებაში ხართ, უნდა იცოდეთ, რომ მარტის თვეში რამდენიმე საინტერესო თარიღია.

ეს თარიღები შეგიძლიათ დაუკავშიროთ სასწავლო პროექტებსა და ღონისძიებებს.

ინფორმაციას ამის შესახებ, EDU.ARIS.GE-ს 2024 წლის მასწავლებლის ეროვნული ჯილდოს გამარჯვებული, ნათია უჩავა უზიარებს.

მაშ ასე, წარმოგიდგენთ თბილისის N126 საჯარო სკოლის დაწყებითი საფეხურის ქართული ენისა და ლიტერატურის, მათემატიკის, სახვითი და გამოყენებითი ხელოვნებისა და ბუნებისმეტყველების მასწავლებლის სასარგებლო სასკოლო აქტივობებს მარტის თვის მნიშვნელოვანი თარიღების მიხედვით:

ინსტრუქცია დაგეხმარებათ, რომ სასწავლო პროცესი კიდევ უფრო მეტად შემოქმედებითი და ხალისიანი გახადოთ.

მარტის თვის განვლილი თარიღები აქტივობებით;

მარტის 3 – მსოფლიო ველური ბუნების დღე

თემა: ბუნების დაცვა, ცხოველთა სამყაროს მნიშვნელობა

აქტივობა: მოსწავლეებმა შეიძლება მოამზადონ პრეზენტაციები სხვადასხვა ცხოველზე, შექმნან პოსტერები ან გააკეთონ კვლევა გადაშენების პირას მყოფ სახეობებზე. 1.1 დედის დღე – 3 მარტი საქართველოში დედის დღე 3 მარტს აღინიშნება. ეს დღე შესანიშნავი შესაძლებლობაა სკოლაში მოსწავლეებთან ერთად საინტერესო აქტივობების გასამართად.

პროექტებისა და აქტივობების იდეები:

„დედას წერილი“ – მოსწავლეები წერენ წერილებს დედებს, სადაც გამოხატავენ მადლიერებას და სიყვარულს.  ხელნაკეთი ბარათები – ბავშვები ამზადებენ ბარათებს დედებისთვის.  პოეზიის საათი – მოსწავლეები კითხულობენ ლექსებს დედაზე ან წერენ საკუთარ ნაწარმოებებს. პრეზენტაცია „გამორჩეული დედები“ – ბავშვები წარმოადგენენ ისტორიებს ცნობილ ქალებზე, რომლებიც არამარტო დედები, არამედ საზოგადოებისთვის მნიშვნელოვანი პიროვნებებიც იყვნენ. სკოლის კონცერტი ან თეატრალური წარმოდგენა – მოსწავლეები დგამენ პატარა სპექტაკლს ან ასრულებენ სიმღერებს დედისადმი.

მარტის 8 – ქალთა საერთაშორისო დღე

თემა: გენდერული თანასწორობა, ქალების როლი საზოგადოებაში

აქტივობა: მოსწავლეებმა შეიძლება ისაუბრონ ცნობილ ქართველ და უცხოელ ქალებზე, რომლებმაც მნიშვნელოვანი წვლილი შეიტანეს მეცნიერებაში, ხელოვნებაში ან პოლიტიკაში.

მარტის 14 – პი-ის (π) დღე

თემა: მათემატიკა, მეცნიერება აქტივობა: მათემატიკური თამაშები, გამოცანები, „პი“-სთან დაკავშირებული კრეატიული აქტივობები.

თარიღები მომავალი ღონისძიებებისა და აქტივობებისთვის:

მარტის 21 – პოეზიის მსოფლიო დღე

თემა: ლიტერატურა, პოეზია

აქტივობა: მოსწავლეებს შეუძლიათ წაიკითხონ თავიანთი საყვარელი ლექსები, დაწერონ საკუთარი პოეზია ან მოაწყონ პოეზიის საღამო.

მარტის 21 – ტყის საერთაშორისო დღე

თემა: ეკოლოგია, ბუნების დაცვა

აქტივობა: ხეების დარგვის აქცია, პრეზენტაციები ტყის მნიშვნელობაზე, ეკოლოგიური აქტივობები.

მარტის 22 – წყლის მსოფლიო დღე

თემა: წყლის რესურსების დაცვა

აქტივობა: მოსწავლეებს შეუძლიათ მოამზადონ პრეზენტაციები წყლის მნიშვნელობაზე, ჩაატარონ ექსპერიმენტები წყლის გაწმენდასთან დაკავშირებით.

მარტის 27 – თეატრის მსოფლიო დღე

თემა: თეატრი, ხელოვნება

აქტივობა: მოსწავლეებმა შეიძლება დადგვან მცირე სპექტაკლი, გააკეთონ თოჯინების თეატრი ან იმუშაონ სცენარის წერის პროექტზე.

ამავე თემაზე:

საკითხავი მასალა, ვიდეოები, პრეზენტაციები – ყველა რესურსი სკოლებისთვის დედაენის დღის აღსანიშნად