მასწავლებელი, რომელიც მოსწავლეებს მუსიკის საშუალებით აერთიანებს – ფლეშმობი სკოლის სამყაროში (+ვიდეო)

თანამედროვე სკოლებში ფლეშმობი განსაკუთრებით პოპულარულია. ეს არის მრავალმხრივი და სახალისო, შინაარსით დატვირთული გზა, იმისთვის, რომ მოსწავლეები ემოციურად დუკავშირდნენ მუსიკას, აითვისონ გუნდური მუშაობის პრინციპები, იგრძნონ რიტმი, მელოდია, მუსიკის ტექსტი და სხვ. „ფლეშმობით სწავლების მეთოდი უნიკალურია“,- ამის შესახებ EDU.ARIS.GE-ს ბაქსვუდის სკოლის მუსიკის მასწავლებელი, მაიკო ლომიძე უყვება.

ქალბატონი მაიკო, შეფასებისა და გამოცდების ეროვნული ცენტრის მუსიკის საგნის საგამოცდო ტესტური დავალებების ავტორია. კლავიფიციური სპეციალისტი ამბობს, რატომ უნდა ასწავლონ სკოლაში ფლეშმობით. ის სკოლებს ინსტრუქციით დაეხმარება და საკათარი მოსწავლეების მუსიკალურ ფლეშმობს გაგიზიარებთ.

რას ჰყვება სპეციალისტი ფლეშმობით სწავლების შესახებ:

„ბავშვებში მსგავსი აპრობირებული აქტივობები ხელს უწყობს კომუნიკაციის უნარების დაუფლებას. თავად პროცესი სახალისოა და ამავ დროულად შრომატევადი, ვინაიდან გაკვეთილზე შექმნილი რიტმული აქტივობა შემდეგ გადადის დიდ სივრცეში. რაც შეეხება მუსიკალურ მხარეს, მე რამოდენიმე ვარიანტს ვარჩევ, როგორც კლასიკური აკადემიური მუსიკის მსოფლიო შედევრებიდან, ასევე თანამედროვე მუსიკის ნაწარმოებებიდან.

თავდაპირველად ვაცნობ მოსწავლეებს რამოდენიმე ვარიანტს და მათთან შეთანხმებით( უმრავლესობით), შევარჩევ სასურველ მუს. კომპოზიციას. ჩვენს მიერ შექმნილი, მსგავსი ჯგუფური მუშაობის ორგანიზებული აქტიბობებას ხელს უწყობს ყურადღების, მობილიზების უნარის ჩამოყალიბებას და ახალისებს მოსწავლეებს საკუთარი თავის ახლებურად წარმოსაჩენად“, – განგვიმარტავს მაიკო მასწავლებელი.

მუსიკის სპეციალისტი, კოლეგებს რჩევას აძლევს. მისი მთავრაი რჩევაა, ფლეშმობის ორგანიზების პროცესში ინდივიდუალურად მიუდგნენ თითოეულ მოსწავლეს და გაითვალისწინონ მათი შესაძლებლობები. მაიკო ამბობს, რომ  მისი კოლეგები, მხოლოდ ამ გზით შეძლებენ, კლასი მუსიკის საშუალებით გაერთიანდეს.

„ჩემი უმთავრესი რჩევა იქნება ის რომ, საქმეს რასაც ვაკეთებთ უნდა გვიყვარდეს უპირობოთ. რასაკვირველია ყველა წარმატებულ პროექტში დიდი შრომაა ჩადებული, რის გარეშეც არაფერი გამოდის. მნიშვნელოვანია ყოველ მოსწავლესთან ინდივიდუალური მიდგომა, მათთვის სტიმულისა  და მოტივაციის მიცემა. ამ გზით კლასი მუსიკის ძალით გაერთიანდება“,- ამბობს მუსიკის სპეციალისტი.

ასევე იხილეთ:

სკოლებში ანბანის შესწავლის ახალი გზა ჩნდება -„ქართული ანბანის შესწავლა ხმოვანი წიგნის დახმარებით შეგეძლებათ“