„მოიწვიე ფინედუ კლასში“ – გიმნაზია AIA GESS პროექტში წელსაც ჩაერთო

გიმნაზია AIA GESS წელსაც ჩაერთო პროექტში – „მოიწვიე ფინედუ კლასში“, რომლის მიზანსაც, თამაშისა და პრაქტიკული აქტივობების მეშვეობით, მოსწავლეებში ფინანსური წიგნიერების გაღრმავება წარმოადგენს.

გიმნაზიის მიერ 6 ნოემბერს გამოქვეყნებული ინფორმაციით, პროექტის ფარგლებში, ეროვნული ბანკის წარმომადგენელმა, ბატონმა აკაკი მოსახლიშვილმა მე-7 კლასელებს სახალისო ფინანსური თამაში წარუდგინა. როგორც ფინედუს დესპანმა, AIA GESS-ის მოსწავლემ, მათე მოსახლიშვილმა კი, High School-ის მოსწავლეებს ქართული ფულის თემაზე საინფორმაციო შეხვედრა ჩაუტარა.

„მსგავსი ინიციატივები ხელს უწყობს მოსწავლეებში ფინანსური აზროვნების განვითარებას, პრაქტიკული ცოდნის გაღრმავებას და პასუხისმგებლიანი ფინანსური ქცევის ჩამოყალიბებას“, – აღნიშნავენ გიმნაზია AIA GESS-ში.

სკოლის სხვა ამბები