მოსწავლეების თვალით დანახული აფხაზური კულტურა და ტრადიციები

„ჩვენი მოსწავლეები განაგრძობენ აფხაზეთის კულტურის, ტრადიციების, სამეურნეო საქმიანობის და გეოგრაფიული მდებარეობის შესწავლას“, – ვკითხულობთ, თბილისის 145-ე საჯარო სკოლის მიერ „facebook“-ის გვერდზე 21 თებერვალს გამოქვეყნებულ ინფორმაციაში.

სკოლა ამის საილუსტრაციოდ, საკუთარი მეექვსეკლასელი მოსწავლეების მიერ დამზადებულ არტეფაქტებს აზიარებს, რომელშიც ჩანს როგორი დაკვირვებით აქვთ შესწავლილი მოზარდებს აფხაზური კულტურა და ტრადიციები.

“ეს საოცარი არტეფაქტები, რომლებიც მოსწავლეებმა დიდი მონდომებით დაამზადეს. კეთებით სწავლა კი ყოველთვის ძალიან საინტერესო და შემეცნებითია”, – ნათქვამია სკოლის განცხადებაში.