„მშობლების დედაენა“ – სავარჯიშოები და არამხოლოდ

ადამიანებს, რომლებიც ბავშვებთან ურთიერთობენ, განსაკუთრებული მისია აკისრიათ. ამიტომაც მათ ბავშვის აღზრდის პროცესში მხარდაჭერა სჭირდებათ.

ამ დედაენაში სპეციალისტებმა მოგიმზადეს ინფორმაცია პოზიტიური მშობლობის პრინციპების, ბავშვის განვითარების კანონზომიერებისა თუ მშობელსა და ბავშვს შორის კომუნიკაციის თავისებურებების შესახებ.

აქ შეხვდები ბევრ საინტერესო ფაქტს, ამბავს, პოზიტიური აღზრდის მეთოდსა და სასარგებლო რჩევას, რომელიც, იმედია, ოდნავ მაინც დაგეხმარება, იმშობლო იმაზე უკეთ, ვიდრე გუშინ.

წიგნში შეტანილი სავარჯიშოების მიზანი არა ზუსტი პასუხების გაცემა, არამედ დაფიქრება და იმის გააზრებაა, თუ როგორია ჩვენი ამჟამინდელი მიდგომები და რა გვაქვს შესაცვლელი. მთავარი ხომ ერთია – ჩვენი შვილების კეთილდღეობა და განვითარება.

იხილეთ სახელმძღვანლო: მშობლების დედაენა