ქუთაისის ფიზიკა-მათემატიკის სკოლის მოსწავლე ოლიმპიადა „მოაზროვნის“ საბაზო საფეხურის გამარჯვებულია

ანდრია რაზმაძის სახელობის ქუთაისის 41-ე ფიზიკა-მათემატიკის საჯარო სკოლის X კლასის მოსწავლე ტატო (ტარიელ) კოჩაძე ოლიმპიადა „მოაზროვნის“ საბაზო საფეხურის გამარჯვებულია.

სკოლის მიერ გამოქვეყნებული ინფორმაციით, მოსწავლემ ღირსეულად წარმოაჩინა საკუთარი ცოდნა და შესაძლებლობები და სხვადასხვა წამახალისებელ პრიზთან ერთად, სპეციალური პრიზი – საგზური გერმანიაში (ფრანკფურტში) მიიღო.

„მათემატიკის მასწავლებელი – ივანე გოქაძე. დამრიგებელი – ნათია ყანჩაველი.

ვულოცავთ ტატოს ამ დიდ წარმატებას და ვუსურვებთ მომავალშიც მრავალ გამარჯვებას“, – აცხადებენ სკოლაში.