როგორ ვასწავლოთ პირველკლასელს გაკვეთილების ცხრილი – 126-ე საჯარო სკოლაში სპეციალური გაკვეთილი ჩატარდა

პირველკლასელებისთვის საგაკვეთილო ცხრილის დამახსოვრება მარტივი არ არის. ამ გამოწვევის აღმოსაფხვრელად, თბილისის 126-ე საჯარო სკოლის პირველი კლასის მოსწავლეებს სპეციალური გაკვეთილი ჩაუტარდათ.

პირველიკლასის დამრიგებელმა, ნათია უჩავამ მოსწავლეებისთვის გაკვეთილის ცხრილის დასწავლა ლოგოების გამოყენებით გადაწყვიტა.

სკოლის ინფორმაციით აქტივობები ჩატარდა შემდეგი თანმიმდევრობით:

1. მოსწავლეებმა ისაუბრეს წიგნში მოცემულ ილუსტრაციებზე და დაასახელეს, რომელი გაკვეთილია, რას სწავლობენ თითოეულ საგანში.

2. დანართში მოცემული ლოგოები მოიტანეს მომდევნო გაკვეთილზე და დაასახელეს, რისი აღმნიშვნელი იყო;

3. გაკვეთილების ცხრილის მიხედვით, მოსწავლეებმა დააწყვეს მერხზე ლოგოები;

4. ფორმატზე სათითაოდ გადაიტანეს თითოეული ლოგო და კვლავ დაასახელეს, რომელი ლოგო, რომელ საგანს აღნიშნავდა.

საბოლოოდ თამაშ-თამაშით კლასმა მიიღო გაკვეთილების ცხრილი, რომელიც ლოგოებისგან იყო შექმნილი. ცხრილმა უკვე დაიკავა საკლასო ოთახში საპატიო ადგილი.