GE
სასკოლო ვიქტორინამ „სიტყვობანა“ სტარტი აიღო

“სიტყვობანა” ონლაინ შემეცნებით-გასართობი თამაშობაა, რომლის მიზანია ხელი შეუწყოს მოსწავლეებში ლექსიკური მარაგის გამდიდრებას, კომუნიკაციის უნარ-ჩვევების განვითარებას, წაკითხულის გააზრებასა და ზოგადი ინტელექტის ამაღლებას.

ვიქტორინაში მონაწილეობას იღებენ VI, VII და VIII კლასელი პროგრესელები.

მონაწილეები აპლიკაციების საფუძველზე შეირჩნენ და საბოლოო წარმატებისთვის მათ სამი ეტაპის გადალახვა მოუწევთ.

პროექტის დასრულებისას მონაწილეებს გადაეცემათ სერტიფიკატები, ფინალისტებს სამახსოვრო პრიზები, ხოლო გამარჯვებული ამ ყველაფერთან ერთად “სიტყვების ოსტატის” წოდებას მიიღებს.

პროექტი არაფორმალური განათლების ფარგლებში ხორციელდება და მას სკოლა პროგრესის სამოქალაქო განათლებისა და ისტორიის მასწავლებელი, ანა შალიკიანი უძღვება.

Aris.ge - განათლება საგანმანათლებლო ინტერნეტ-პორტალი