„იცხოვრეთ სიხარულით!“ – რას უნდა არიგებდეს მზრუნველი დამრიგებელი მოსწავლეებს

მოსწავლე-მასწავლებლებისთვისაც 2024-2025 სასწავლო სემესტრი მალე დასრულდება. საინტერესოა, ამ დროს რა დარიგებას აძლევენ ყურადღებიანი დამრიგებელლები მოსწავლეებს.

თემაზე EDU.ARIS.GE -სთან დაწყებითი კლასების დამრიგებელი და პედაგოგი, ნინო ქამხაძე საუბრობს.

ნინო მასწავლებელი ამბობს, რომ არდადეგების დაწყების შემდეგ, მისი მთავარი დარიგებაა მ- პატარებმა კარგად დაისვენონ, ბუნებაში მეტი დრო დაჰყონ და სასიამოვნოდ გაატარონ ზაფხული.

იხილეთ ნინო მასწავლებლის დარიგებები:

იცხოვრეთ სიხარულით – თითოეული დღე საჩუქარია! ბევრი ისეირნეთ ბუნებაში.

განსაზღვრეთ ერთი საზაფხულო ოცნება და ყოველდღე მიუახლოვდით მას.

იკითხეთ ისეთი წიგნები, რომლებიც სულს გითბობენ და ფანტაზიას აფრთიანებენ.

მიჰყევით ბუნების რიტმს – უყურეთ ცაზე მოლივლივე ღრუბლებს, მოუსმინეთ ქარს და ჩიტებს.

წერეთ დღიური ან წერილები – მომავალში მათი წაკითხვა სიხარულს მოგანიჭებთ.

დაეხმარეთ მშობლებს, დაინტერესდით ბებია-ბაბუის ისტორიებით!

ითამაშეთ, იცინეთ, იცეკვეთ – ზაფხული თავისუფლების დროა!

ისწავლეთ ერთი ახალი რამ, რაზეც ადრე არ გიფიქრიათ  – თუნდაც ის, როგორ გაკეთდეს ხელნაკეთი რამ.

იყავით კეთილი სხვების მიმართ და კიდევ უფრო – საკუთარი თავის მიმართ.

თქვენ რა დარიგებებს აძლევთ მოსწავლეებს, როცა ზაფხულის არდადეგები ახლოვდება?!