სკოლა “ფესვებში” კულინარიის გაკვეთილები სხვა გაკვეთილებთან ერთად, ინტეგრირებულად ჩატარდება

სკოლა “ფესვებში” მე-10ა კლასმა წარმოადგინა პრეზენტაცია, რომლის თემა ჯანსაღი ცხოვრების წესი და კვება იყო. მოსწავლეებმა მოახერხეს ინგლისური ენისა და კულინარიის გაკვეთილების ინტეგრირება.

გაკვეთილის მიზანი გახლდათ, მოსწავლეების მოტივაციის ამაღლება, მოსწავლეების მეტი ინფორმირებულობა ჯანსაღ საკვებზე და ცხოვრების წესზე, საკომუნიკაციო უნარებს ჩამოყალიბება ინგლისურ ენაზე.

სკოლის ინფორმაციით, სკოლაში ინერგება სიახლე – კულინარიის გაკვეთილები, რომლებიც ინტეგრირებულად ჩატარდება სხვა საგანთან. მსგავსი გაკვეთილების მიზანს კი წარმადგენს, მოსწავლეებს გამოუმუშავდეს ცხოვრებისეული უნარები, კერძოდ კი საჭმლის მომზადება პროდუქტის შერჩევა, სუფრის გაწყობა და ა. შ.

პრეზენტაციას ესწრებოდნენ პირველ კლასელები რომლებმაც მიიღეს მონაწილეობა ორცხობილების გამოცხობაში, მოუსმნეს ლექციას ჯანსაღ ცხოვრების წესზე და უყურეს ანიმაციურ ფილმს ინგლისურ ენაზე.

სკოლა მადლობას უხდის ყველა მონაწილეს.