სკოლა ,,გერგეტმა” 2016 წელი საქველმოქმედო აქციით დაასრულა

სკოლა ,,გერგეტი” 2016 წელი კეთილი საქმით დაამთავრა. 28 დეკემბერს სკოლის ახალგაზრდა პედაგოგები და მოსწავლეები ესტუმრნენ ბავშვთა სახლს ,,დღის ცენტრი – მომავლის რწმენა”. მოაწყვეს მინი კონცერტი და კოსტუმირებული სანახაობა. იქ მცხოვრები ბავშვებისათვის ჩაიტანეს საჩუქრები, რომლებიც სკოლის მოსწავლეებმა სპეციალურად ამ დღისთვის მოაგროვეს, ასევე ჩაიტანეს ტკბილეულობა, ბედნიერი განწყობა, ბევრი ღიმილი და სითბო. სკოლამ ერთი ლამაზი, დაუვიწყარი დღე აჩუქა ცენტრის აღსაზრდელებს.

სკოლა მადლობას უხდის ყველა მოსწავლეს, მშობელს და პედაგოგს, რომლებმაც მონაწილეობა მიიღეს საქველმოქმედო ღონისძიებაში. სიკეთე გადამდებია და მომავალში სკოლაში უფრო დიდი მასშტაბით საქველმოქმედო სახის აქციები იგეგმება.