სკოლა „პროგრესს“ წიგნის საჯაროდ კითხვის მსოფლიო დღესთან დაკავშირებით ალექსანდრე ლორთქიფანიძე ეწვია

3 თებერვალი წიგნის საჯაროდ კითხვის მსოფლიო დღეა. ამ დღის აღსანიშნავად სკოლა პროგრესს მწერალი და ტელეწამყვანი, ალექსანდრე ლორთქიფანიძე ეწვია. სტუმარმა პროგრესელებთან ერთად რიჩარდ ბახის “თოლია ჯონათან ლივინგსტონი” წაიკითხა.

ღონისძიება წიგნის საჯაროდ კითხვის მსოფლიო დღის ფარგლებში, წიგნის გამომცემელთა და გამავრცელებელთა ასოციაციის ორგანიზებით მოეწყო. სკოლა პროგრესი მადლობას უხდის ორგანიზატორებსა და ჩართულ მხარეებს ამ მნიშვნელოვანი აქტივობისთვის. განსაკუთრებით კი ჩვენს სტუმარს, ალექსანდრე ლორთქიფანიძეს.

“იკითხე ხმამაღლა, შეცვალე მსოფლიო!”