„სკოლის მოსწავლეთა და მასწავლებელთა უსაფრთხოების მიზნით…“ – დასავლეთ საქართველოს 2 რეგიონში სასწავლო პროცესი შეწყვეტილია

დასავლეთ საქართველოში დიდთოვლობაა. ამინდის გაუარესების გამო ბათუმისა და გურიის რეგიონებში სასწავლო პროცესი დღეს არ განახლდა. ინფორმაცია ამის შესახებ EDU.ARIS.GE-მ დღეს, 24 თებერვასლს, იმ სკოლებიდან მიიღო, რომლებშიც სასწავლო პროცესი შეწყვეტილია.

გთავაზობთ წერილს, რომლებიც 2 რეგიონის სკოლებს საგანმანათლებლო რესურსცენტრებიდან გაეგზავნათ:

„რეგიონში არსებული უამინდობისა და მოსალოდნელი გაუარესების გათვალისწინებით, სკოლის მოსწავლეთა და მასწავლებელთა უსაფრთხოების მიზნით, მიღებულ იქნა გადაწყვეტილება 24 თებერვალს სასწავლო პროცესის შეჩერების თაობაზე. სკოლები უზრუნველყოფენ გაცდენილი საათების ანაზღაურებას, კანონმდებლობით დადგენილი წესით“, – ნათქვამია სკოლებისთვის მიწოდებულ ინფორმაციაში.

ასევე იხილეთ:

აჭარის მუნიციპალიტეტებში სასწავლო და სააღმზრდელო პროცესი შეჩერდა – სწავლის განახლების თარიღი