თბილისის მწვანე სკოლაში I-V კლასის მოსწავლეები სამი კვირის განმავლობაში თემაზე – “გმირები” მუშაობდნენ

თბილისის მწვანე სკოლაში I-V კლასის მოსწავლეები სამი კვირის განმავლობაში მუშაობდნენ თემაზე – “გმირები”, რომლის მსვლელობისას ბავშვებმა გაიაზრეს, რომ ადამიანები გმირობას გაუცნობიერებლადაც ჩადიან და შიში არ არის სირცხვილი.

აღნიშნული პროექტის ფარგლებში თბილისის მწვანე სკოლამ, ბავშვების ინიციატივით, მოიწვია მეხანძრე და მაშველი. მათ მოსწავლეებს წარუდგინეს თავიანთი ეკიპირების დეტალები და გააცნეს სამსახურებრივი დღის წესრიგი.

“აცნობიერებთ, რომ გმირები ხართ?” – მეხუთეკლასელმა ეს კითხვა საგანგებო სიტუაციების მართვის სააგენტოდან მოწვეულ მეხანძრესა და მაშველს დაუსვა.