„თქვენ უნდა მისცეთ მოტივაცია, აბა ბავშვს თავისით ექნება?!“ – ფრთიანი ფრაზები, რომლებიც მასწავლებლებს „შვილზე გაგიჟებული დედებისგან“ ესმით

გინახავთ დედა, რომელიც შვილის აღზრდა-განათლების გარდა მის, ცხოვრებაშიც თავიდან ფეხებამდეა ჩართული – ეს ნიშნავს, რომ დედას ყველაფერი აინტერესებს.

ზოგჯერ მასწავლებლები ასეთ ემოციურ და შვილზე ორიენტირებულ დედებს ერთი ფრაზით აფასებენ: „შვილზე გაგიჟებული დედაა”.

ეს ზუსტი აღწერაა იმ დიდი სიყვარულისა, რომელსაც დედები გასცემენ.

დღეს 3 მარტია, დედების დღე.

EDU.ARIS.GE-მ დამრიგებლებისა და მასწავლებლებისგან მოიძია და შეკრიბა ის ფრაზები, რომლებიც ჩვენს საყვარელ პედაგოგებს შვილებზე უზომოდ შეყვარებული დედებისგან მოუსმენიათ.

მაშ ასე:

-“ჩემი შვილი კი ზარმაცია, მაგრამ უნიჭიერესია”

-“რომ ინდომებდეს კლასში ყველაზე კარგი იქნებოდა”

-“მასწავლებლებმა უნდა მისცეთ მოტივაცია თვითონ როგორ ექნება”

-“ჩემი ჭკუის კოლოფია მაინც”

-“ენაცვალოს დედა, აბა სხვა ვინ მოაწყობდა შატალოს”

-“მასწავლებლები რისთვის ხართ, ბავშვი თვითონ იმეცადინებს?!”

-“მე-12 კლასში კია, მაგრამ მაინც ბავშვია”’

-“ნანა მასწავლებელო, ჩანთა დაავიწყდა, რომ წამოეღო და აგე ინებეთ”

-“სხვა ბავშვები უარესებს აკეთებდნენ და მაინც ჩემსას მიადგნენ”

-“პიროვნულად არის კარგი მთავარია”

-“ფერებაში გვყავს გაზრდილი და ამდენ დავალებას ნუ აძლევთ!”

-“კარგი რა თეა მასწავლებელო, ჩვენ არ ვიყავით ამ ასაკში?”

-“რა უნდათ ამ ბავშვებისგან, რა ექსპერიმენტებს უტარებენ”

აბა, თქვენ რომელ ფრთიან ფრაზებს გაიხსენებდით.