ხარ თუ არა კარგი თანაკლასელი? – სამუშაო ფურცელი და ვიდეო გაკვეთილი მოსწავლის მხარდასაჭერად

„თუ ვინმეს აწყენინე, მაგრამ პატიება სთხოვე და ის აღარ გახსენებს ცუდ საქციელს, ხომ გაგეხარდება?“, – ამის შესახებ მოსწავლეებს დაწყებითი კლასების პედაგოგი, ნინო სამხარაძე ესაუბრება.

ნინო მასწავლებელი 1-ელ ნოემბერს EDU.ARIS.GE-ს ვიდეოსა და სამუშაო ფურცელს უზიარებს, რომელიც თავად დაამზადა და მოსწავლეს ასწავლის, როგორ გაიგოს – არის თუ არა კარგი თანაკლასელი.

ხარ თუ არა კარგი თანაკლასელი? მოდი, ერთად გავიგოთ!

კარგი თანაკლასელი ხარ მაშინ, როცა:

• სკოლაში მეგობრებთან ბევრ დროს ატარებ. ესალმები, ემშვიდობები და მათთან ერთად თამაშობ;
• უზიარებ სასკოლო ნივთებს;
• გუნდში მუშაობისას მათ აზრს ითვალისწინებ. არ დასცინი და პატივს სცემ მათ აზრს;
• უფრთხილდები მათ პირად სივრცეს. არ ეხები ფიზიკურად, არ იღებ დაუკითხავად მის ნივთებს;
• დავალების შესრულებისას ეხმარები მეგობრებს;
• ერთად იფიქრებთ გამოსავალს და თანაუგრძნობთ ნებისმიერ სიტუაციაში;
• ბოდიშს იხდი გულწრფელად და არ ახსენებ მეგობარს არასწორ საქციელს;

იხილეთ და გადმოიწერეთ მოსწავლისთვის განკუთვნილი სამუშაო ფურცელი

ამ სამუშაო ფურცლის დახმარებით, მოსწავლეები შეძლებენ 1 კვირის განმავლობაში დააკვირდნენ საკუთარ თავსა და ქცევებს. ეს მათ დაეხმარებათ, რომ კარგი თანაკლასელები გახდნენ.

ასევე იხილეთ:

„სად გყავთ მასწავლებელი, არ არის კლასში? – ფრაზები, რომლებიც ყველა ახალგაზრდა პედაგოგს ესმის (ვიდეო)