4 საჯარო სკოლა, რომლებსაც ავტორიზაციის საბჭოსგან მონიტორინგი უწევთ – სია

30 ივლისს, განათლების ხარისხის განვითარების ეროვნული ცენტრის ზოგადსაგანმანათლებლო დაწესებულებების ავტორიზაციის საბჭოს სხდომა გაიმართება. სხდომის დღის წესრიგშია 4 საჯარო და 3 კერძო სკოლის საკითხების განხილვა. საბჭო, საჯარო სკოლების შემთხვევაში, ავტორიზაციის საკითხსა და რეკომენდაციების შესრულების შესახებ ანგარიშს შეამოწმებს. რაც შეეხება კერძო სკოლებს, სხდომაზე 6 სხვადასხვა საკითხის განხილვაა დაგეგმილი.

უფრო კონკრეტულად კი, განათლების ხარისხის განვითარების ეროვნული ცენტრის ცნობით, ავტორიზაციის საბჭოს დღის წესრიგი შემდეგ საკითხებს მოიცავს:

საჯარო სკოლები:

1. სსიპ – ზესტაფონის მუნიციპალიტეტის სოფელ ქვედა საქარის საჯარო სკოლის მიერ ზოგადსაგანმანათლებლო დაწესებულებების ავტორიზაციის საბჭოს მხრიდან განსაზღვრული რეკომენდაციების შესრულების შესახებ ანგარიშის განხილვა;

2. სსიპ – გურჯაანის მუნიციპალიტეტის სოფელ ჩალაუბნის საჯარო სკოლის ავტორიზაციის საკითხის განხილვა;

3. სსიპ – ქარელის მუნიციპალიტეტის სოფელ ბერძენაულის საჯარო სკოლის ავტორიზაციის საკითხის განხილვა;

4. სსიპ – გარდაბნის მუნიციპალიტეტის სოფელ სართიჭალის №2 საჯარო სკოლის ავტორიზაციის საკითხის განხილვა.

კერძო სკოლები:

1. შპს ბაქსვუდის საერთაშორისო სკოლა- თბილისში განხორციელებული მონიტორინგის შედეგების განხილვა;

2. შპს თბილისის არქიმედეს სკოლის მიერ იმავე მუნიციპალიტეტის ფარგლებში საგანმანათლებლო საქმიანობის მისამართის/ფართის ცვლილების შესახებ საკითხის განხილვა;

3. შპს თბილისის არქიმედეს სკოლის მიერ მოსწავლეთა ადგილების ზღვრული რაოდენობის გაზრდის შესახებ საკითხის განხილვა;

4. შპს ოქლიფის სკოლის მიერ იმავე მუნიციპალიტეტის ფარგლებში საგანმანათლებლო საქმიანობის მისამართის/ფართის ცვლილების შესახებ საკითხის განხილვა;

5. შპს ოქლიფის სკოლის მიერ მოსწავლეთა ადგილების ზღვრული რაოდენობის გაზრდის შესახებ საკითხის განხილვა;

6. შპს ოქლიფის სკოლის მიერ საბაზო საფეხურის ზოგადსაგანმანათლებლო პროგრამის დამატების შესახებ საკითხის განხილვა.

საბჭოს სხდომა ონლაინ რეჟიმში, „zoom“-ის პლატფორმის გამოყენებით ჩატარდება.

ბმული