ალტე უნივერსიტეტის მედიცინის საერთაშორისო სკოლა ევროპის სტომატოლოგიური განათლების ასოციაციის (ADEE) ინსტიტუციური წევრი გახდა
ალტე უნივერსიტეტის მედიცინის საერთაშორისო სკოლა ევროპის სტომატოლოგიური განათლების ასოციაციის (ADEE) ინსტიტუციური წევრი გახდა.
ADEE სტომატოლოგიურ სფეროში არსებული ყველაზე გავლენიანი ორგანიზაციაა, რომელიც ევროპის მასშტაბით, დიპლომამდე და დიპლომის შემდგომ განათლებას არეგულირებს.
იგი აერთიანებს მოწინავე სამედიცინო სასწავლებლებს, სპეციალიზებულ საზოგადოებებს და პროფესიულ ასოციაციებს.
ADEE-ს წევრობა ალტე უნივერსიტეტის სტომატოლოგიის პროგრამის სტუდენტებსა და აკადემიურ პერსონალს შესაძლებლობას მისცემს მონაწილეობა მიიღონ:
- ორგანიზაციის ყოველწლიურ შეხვედრებსა და ღონისძიებებში;
- პან-ევროპული სტომატოლოგიური განათლების სფეროს აქტივობებში;
- ორგანიზაციის სპეციალური პროფესიული ჯგუფების თეორიულ და პრაქტიკულ აქტივობებში;
- აღმასრულებელი კომიტეტისა და სხვა ექსპერტთა პანელების მუშაობასა და გადაწყვეტილებების მიღებაში;
აგრეთვე, სტუდენტებსა და აკადემიურ პერსონალს, სრული წვდომა ექნებათ ევროპის სტომატოლოგიური განათლების ჟურნალზე და მნიშვნელოვანი ფასდაკლებით ისარგებლებენ ევროპული ასოციაციის მიერ ორგანიზებულ სტომატოლოგიურ კონფერენციებსა და დარგობრივ აქტივობებზე.
ADEE-ს მიზანია, სტომატოლოგიური განათლების ხარისხის ზრდა და ხალხისთვის ჯანდაცვის უმაღლესი სტანდარტის შექმნა, რომლის იმპლემენტაციაში ალტე უნივერსიტეტიც შეიტანს წვლილს.
- „გაიზრდება პედაგოგების ჩართულობა საუნივერსიტეტო ცხოვრებაში“ – როგორ იმუშავებს ალტე უნივერსიტეტის მასწავლებელთა საბჭო by ალტე უნივერსიტეტი
- ალტე უნივერსიტეტი ახალგაზრდულ ეკონომიკურ ფორუმს გამართავს by ალტე უნივერსიტეტი
- ალტე უნივერსიტეტის მიერ ორგანიზებული გლობალური ჰაკათონი – „Teens in AI 2024“ დასრულდა by ალტე უნივერსიტეტი