CIU-ს სტუდენტთა ნაშრომები დეპოლის უნივერსიტეტის გამოცემაში გამოქვეყნდა

კავკასიის საერთაშორისო უნივერსიტეტის (CIU) სოციალურ და ჰუმანიტარულ მეცნიერებათა ფაკულტეტის სტუდენტთა სამეცნიერო-კვლევითი სტატიები დეპოლის უნივერსიტეტის (ჩიკაგო, ილინოისის შტატი, აშშ) პროექტის – Global Learning Experience – ნაშრომთა კრებულში გამოქვეყნდა.

CIU-ს მიერ დღეს, 1-ელ სექტემბერს გამოქვეყნებული ინფორმაციით, გამოცემაში წარმოდგენილი ნაშრომთა ავტორები არიან: მაგდა ეკალაძე, ნათია გახარია, მეა ჯაკობია, ლილე სვანაძე, თამარ ოყუჯავა და ანასტასია კონცელიძე.

Global Learning Experience-ის პროექტის მოწვეული პროფესორია CIU-ს მედიის მიმართულების პროგრამების ხელმძღვანელი ზაზა ცოტნიაშვილი.

აღსანიშნავია, რომ Global Learning Experience-ის პროგრამაში საქართველოდან მხოლოდ კავკასიის საერთაშორისო უნივერსიტეტი იღებდა მონაწილეობას, შერჩეულმა სტუდენტებმა კი ამერიკულ უნივერსიტეტში ლექცია-სემინარები ერთი თვის განმავლობაში გაიარეს

უნივერსიტეტის სხვა ამბები