ქუთაისის უნივერსიტეტში პროექტის “ქუთაისის გაეროს მოდელირება (MUN) – 2018” პრეზენტაცია გაიმართა

23 მაისს მოეწყო ინფორმაციული შეხვედრა ქუთაისის უნივერსიტეტის სტუდენტებთან, პროექტ ,,ქუთაისის გაეროს მოდელირება (MUN) – 2018“ -ის საინიციტიავო ჯგუფის მიერ.

პროექტი დაფინანსებულია ქ. ქუთაისის მუნიციპალიტეტის მერიისა და გაეროს განვითარების პროგრამა -UNDP-ის მიერ.

პროექტის მიზანი გახლავთ ახალგაზრდებში დემოკრატიული ღირებულებების დანერგვა და გავრცელება, კომუნიკაციური და პროფესიული უნარ-ჩვევების განვითარება და ქალაქ ქუთაისის მუნიციპალიტეტის დაძმობილებულ ქალაქებთან თანამშრომლობის გაძლიერება.

პროექტის პირობების პრეზენტაციამ საკმაო დაინტერესება გამოიწვია ახალგაზრდებს შორის და დაისვა შეკითხვები უფრო დეტალური ინფორმაციის მისაღებად.

ქუთაისის უნივერსიტეტში იმედოვნებენ, რომ ს სტუდენტები აქტიურად ჩაერთვებიან ,,ქუთაისის გაეროს მოდელირება (MUN) – 2018“-ის მიმდინარეობის პროცესში.

რეგისტრაციის მსურველებმა იხ. ელექტრონული აპლიკაციის ფორმა.