„საერთაშორისო სამართალი ომის პირისპირ“ – საერთაშორისო კონფერენცია “ევროპის უნივერსიტეტის” მონაწილეობით გაიმართება

23 ივლისს, 10:00 საათზე, სასტუმრო “თბილისი მერიოტში” “ევროპის უნივერსიტეტის” სამართლის ინსტიტუტი, საქართველოში საფრანგეთის საელჩოსთან თანაორგანიზებით, მე-7 საერთაშორისო სამეცნიერო კონფერენციას გამართავს.

კონფერენცია თანამედროვე საერთაშორისო სამართლის ყველაზე აქტუალურ თემას – უკრაინაში ომის მიმდინარეობას და მის საერთაშორისო სამართლებრივ შეფასებას ეძღვნება.

ღონისძიება განკუთვნილია როგორც სამართლის, ასევე აღნიშნულ თემაზე მომუშავე საჯარო პოლიტიკის სფეროს წარმომადგენლებისათვის.

კონფერენციაში მონაწილეობას მიიღებენ იურისტები, აკადემიური წრის წარმომადგენლები, მთავრობის ოფიციალური პირები, პარლამენტის წევრები, სახალხო დამცველის აპარატი, დიპლომატიური კორპუსის წარმომაგენლები, არასამთავრობო ორგანიზაციები.

ღონისძიების მონაწილეებს შესაძლებლობა ექნებათ ჩაერთონ დისკუსიებში, მოახდინონ მსოფლიოში მიმდინარე საბრძოლო მოქმედებების სამართლებრივ ჭრილში განხილვა, გაუზიარონ ერთმანეთს ცოდნა აღნიშნულ დარგში და განიხილონ პრობლემების გადაჭრის გზები.