„ერთმანეთს ვუსურვოთ ხუთებზე სწავლა!“ – ლექსებად თქმული საახალწლო სურვილები ქართველი პოეტების შემოქმედებაში

ახალი წელი აუხდენელი ოცნებებისა და სურვილების რეალობად ქცევის იმედია.

ძველის გაცილების, უკეთესი ცხოვრების, მომავლის დადგომის რწმენით სავსეა ქართველ მწერალთა შემოქმედება.

EDU.ARIS.GE-ი გაჩვენებთ, როგორი იყო საახალწლო გზავნილები ქართველ მწერალთა შემოქმედებაში.

ვაჟა-ფშაველას, ნოდარ დუმბაძის, მუხრან მაჭავარიანის, ოთარ ჭილაძისა და გალაქტიონ ტაბიძის ლექსები ახალ წელზე.

იხილეთ და ჩამოტვირთეთ: ლექსები ახალ წელზე

მუხრან მაჭავარიანის ლექსად თქმული გზავნილი:

„გვიყვარდეს სამშობლო,
სიმართლე გვიყვარდეს,
გვიყვარდეს,
გვიყვარდეს წიგნი…
რაც უნდა ისურვო,
რაც უნდა ინატრო, –
ესაა ყველაზე დიდი“.

ვაჟა-ფშაველას ლექსად თქმული გზავნილი:

„ახალო წელო,
ფიქრებით მწველო,
შენი სიკეთე თუმცა-კი მჯერა,
ყური დამიგდე, რასა გთხოვ ჯერა:
ვინაც არ იცის,
ასწავლე წერა;
მე უკეთესის
ჰანგების მღერა
მასწავლე, თორემ
დაგლოცავ ვერა“.

გალაქტიონ ტაბიძის ლექსად თქმული გზავნილი:

„აჰ, ბავშვებო, ნეტა სადმე
ერთი მხარე მაჩვენა,
სადაც მეტი იყოს ზრუნვა
თქვენზე… ნეტავი თქვენა!“

ასევე იხილეთ:

როცა 5 წლის ბავშვი მოსწავლე ხდება – როგორი უნდა იყოს ყურადღებიანი მშობლის დახმარების გეგმა