გასაფერადებლები დაწყებითი კლასის მოსწავლეებისთვის – „ამოუბეჭდეთ და იქნებიან მშვიდად, მოტორულ უნარებსაც განივითარებენ“

„დაწყებით კლასებში ნატიფი მოტორული უნარების განვითარებას დიდი მნიშვნელობა ენიჭება. გაფერადება მოსწავლეებს მოტორულ უნარებს უვითარებს და მშვიდ, ხალისიან განწყობას უქმნის“, – ამის შესახებ სახვითი და გამოყენებითი ხელოვნების უფროსი მასწავლებელი, მედეა ნოზაძე გვესაუბრება.

იხილეთ რესურსი: გასაფერადებელი მულტფილმის გმირები

პედაგოგმა, რომელიც თბილისის 116-ე და მე-100 სკოლებში დაწყებით კლასებთან მუშაობს თავად მოიძია და შექმნა გასაფერადებლები, რომლებსაც გვიზიარებს, როგორც რესურსს სახელწოდებით – „გააფერადე საყვარელი მულტფილმის გმირები“.

„რაპუნცელი, კონკია, ჯუჯები, ტომი და ჯერი, ვინი პუჰი.. ამ გმირების გაფერადებას შეგეძლებათ. მშობლებს, რომლებიც სახლიდან მუშაობენ, ამ გასაფერადებლების მიცემა შეუძლიათ ბავშვებისთვის. ამოუბეჭდეთ და იქნებიან მშვიდად, მოტორულ უნარებსაც განივითარებენ და თავადაც უსაფრთხოდ იგრძნობთ თავს“, – განგვიმარტავს სპეციალისტი.

ასევე იხილეთ:

„ამ ასაწყობ პაზლებს ჩვენი ქვეყნის შესწავლისთვის გამოიყენებთ“ – რესურსი დაწყებითი კლასების მოსწავლეებისა და პედაგოგებისთვის